Sigal Prishtina është befasuar në ndeshjen e fundit të xhiros së shtatë të Superligës së Kosovës në basketboll.
Prishtina, të hënën mbrëma është mposhtur në kryeqytet nga skuadra e Vëllaznimit me shifrat 101:85.
Për Prishtinën, kjo është humbja e dytë rresht kurse Vëllaznimi u rikthye te fitorja pas një serie prej dy disfatave.
Të Vëllaznimit në këtë ndehje ka debutuar trajneri Jeronimo Sarin, i cili ka zëvendësuar Branimir Paviqin e larguar.
Skuadra e Gjakovës ishte më e mirë gjatë tërë ndeshjes, duke arritur ti fitojë të gjithë të katër çerekët.
Trey Anderson me 22 pikë të shënuara ishte më efikasi te Vëllaznimit, ndërsa lojë të mirë shfaqi edhe Levan Alson që realizoi 17 pikë.
Te Prishtina, më efikasit ishin Daniel Lekndreaj (22 pikë) e Josh Nzeakor (21 pikë), por që nuk mjaftuan për ta evituar humbjen në shtëpi nga Vëllaznimit.
Me këtë fitore, Vëllaznimit është ngritur në pozitën e pestë në tabelë me 10 pikë, një më pak se Sigal Prishtina.
