Për afro katër muaj, në ambientet e kësaj gjykate në veriun e Mitrovicës, nuk punon asnjë zyrtar serbë.
Dorëheqja e 145 zyrtarëve e ka shkaktuar një gjendje të jashtëzakonshme, sidomos në shkallën e parë të gjyqësorit.
Këshilli Gjyqësor i Kosovës, nuk ka qëndruar duarkryq karshi kësaj situate.
Kryesuesi i saj, Albert Zogaj, ka treguar se si zgjidhje e situatës është bërë transferimi i gjyqtarëve të tjerë dhe shpërndarja e lëndëve në gjykata tjera.
Si jo të duhur këtë mënyrë të funksionimit e vlerëson, avokati Kadri Osaj.
Sipas tij, gjyqësori në veri asnjëherë nuk ka pasur staf të kompletuar, dhe dorëheqja e zyrtarëve serbë vetëm sa e ka përkeqësuar situatën.
Dorëheqjet e zyrtarëve serbë në Gjykatën Themelore në Mitrovicë, erdhën se bashku me dorëheqjet tjera të serbëve në institucione publike pas arrestimit të ish policit serb, Dejan Pantiq.
Kronika e gazetares Florijeta Dernjani.
