Eksperti i çështjeve të sigurisë, Ilir Kulla, në emisionin “Matrix” në Tëvë1 para një jave kishte paralajmëruar se konflikti mes Izraelit dhe Iranit do të zgjerohet. Ky parashikim u bë realitet ditën e sotme, kur Irani sulmoi bazat amerikane në Katar dhe Irak.
I pyetur se si kishte parashikuar këtë zgjerim, Kulla u shpreh se nuk preferon të flasë pa pasur informacion të verifikuar.
“Unë nuk flas kurrë për gjëra që nuk i di dhe nuk i kuptoj. Së dyti, nuk flas pa pasur informacione të verifikuara nga disa burime, dhe së treti, jam sistematik në punë,” tha ai.
Ai rrëfeu gjithashtu se si mori informacion mbi sulmet iraniane ndaj Katarit.
“Kam dy miq që jetojnë dhe punojnë në Katar. Njëri prej tyre, bashkë me familjen, është pranë bazës amerikane që ka rreth 10,000 punonjës. Ai më dërgoi një video dhe më tha: ‘Ja, ka filluar sulmi tani’,” tregoi Kulla.
