Me librin e Kuranit në duar, po endej rrugëve të Prizrenit.
Pas pak sekondave, ky person tashmë emër i njohur për organet e rendit, e grisi librin e shenjtë, dhe fletat e tij i hodhi në tokë.
Këto imazhe e shokuan Halit Januzin, i cili është pronari i lokalit, kamerat e së cilit e xhiruan gjithë incidentin.
“Rasti ka ndodhur dje rreth orës 12:10, fatmirësisht lokali ka qenë i mbyllur se për ramazan ne nuk punojmë ditën… Një kojshi mu afru tha mi jap kamerat me i kqyr se fletat e Kuranit nëpër tokë ishin, më erdhi shumë shokuese dhe hymë në kamerë e pamë personin tu e shku duke e bërë atë aktin”, ka deklaruar ai.
Për qytetarët e Prizrenit, ky është një akt provokativ, i cili bëhet më i rëndë pasi po ndodhë në muajin e Ramazanit.
“Vallai kjo është provokacion i madh që është bërë në këtë muaj të Ramazanit dhe është një dobësirë e madhe”, tha Jeton Morina-qytetar.
Rastin e ka dënuar edhe Bashkësia Islame në Prizren.
Edhe nga Bashkësia Islame në Prizren e dënuan këtë rast.
“Është një akt i ligë, i trishtushëm, irritues, vetëm me mendu njeri me shky Kuranin, me shky një fletë të Kuranit është boll e jo me ndodh kjo aq më tepër që ndodhi në muajin e shenjtë të agjërimit të Ramazanit kur gjithë shpirtat e zemrat e besimtarëve janë kthyer kah Zoti”, ka pohuar kryeimani i KBI-së, Dr.Orhan Bislimaj.
Derisa u raportua se personi në fjalë dyshohej se ka probleme psikike, Bislimaj ka dyshime në këtë.
“Megjithatë pse nuk e mori biblën por mori Kuranin, pse nuk po ndodh me Biblën asnjë dëmtim) 05:37 – 05:50 (Ndërtimi i një opinioni kundër Kuranit nuk ndodh rastësisht, nuk pik prej qiellit, dikund është frymëzu, varësisht se me kë ka qëndru personi në fjalë apo personat e tjerë të afërm e pastaj edhe veprimet i ka në terren”.
I dyshuari është arrestuar gjatë ditë dhe atij i është caktuar masa e ndalimit për 48 orë.
“Konfirmojmë se me aktvendim të Prokurorisë Speciale të Republikës së Kosovës është ndaluar një person me inicialet I.P. I njëjti dyshohet se ka kryer veprën penale – Nxitja e përçarjes dhe mos durimit, e sanksionuar me nenin 141 të Kodit Penal të Republikës së Kosovës”, ka thënë Prokuroria Speciale.
Ky rast nga policia është cilësuar si nxitje e urrejtjes, përçarjes ose mosdurimit kombëtar, racor, fetar apo etnik.
