Janë bërë afër shtatë vjet që kur nisën punimet për ndërtimin e saj.
Por, tash e dy vjet nuk u punua asgjë në ndërtimin e shkollës në fshatin Pozheran të Vitisë.
Kësisoj, mbi 500 nxënës të kësaj shkolle u detyruan që mësimin ta vijojnë në shkollën e mesme të këtij fshati.
Mësimi i tyre tashmë zhvillohet me pesë ndërrime, ku një orë mësimore zgjat rreth 20 minuta.
E drejtori i shkollës së mesme, thotë se me ardhjen e këtyre nxënësve për ta janë paraqitur pengesa në mësimnxënie.
Për vështirësitë që kanë në procesin mësimor, tregon edhe njëri nga profesorët.
Edhe nxënësit tregojnë vështirësitë që hasin gjatë mësimit të tyre.
Informacione për ndërprerjen e këtyre punimeve nuk ka as kryetari i Komunës së Vitisë, i cili thotë se ka ngritur këtë shqetësim tek niveli qendror.
I pari i kësaj komune thotë se gjithë këto vonesa në këtë por edhe projekte tjera, kanë bërë të besoj që kanë ndodhur për inate politike.
Ndërtimi i kësaj shkolle nga Ministria e Arsimit është bartur në kompetencë të Ministrisë së Punëve të Brendshme.
Televizioni ka tentuar të marrë sqarime rreth këtyre vonesave, por që nga ky dikaster nuk i janë përgjigjur interesimit të televizionit.
