Ministri i Mbrojtjes i Shqipërisë, Niko Peleshi ka reaguar për situatën e cila është krijuar pas tërmetit në Turqi dhe Siri.
Peleshi përmes një postimi në Facebook, e ka cilësuar tronditje dhe trishtim vdekjen e qindra viktimave dhe mijëra të plagosurve nga tërmeti shkatërrimtar, raporton teve1.info.
“Jemi me zemër dhe mendje pranë familjeve të viktimave, shërim të shpejtë të lënduarve.
Të gatshëm të ndihmojmë me kapacitetet tona, për rikuperimin sa më shpejt të pasojave”, ka shkruar ai.
Tërmeti ka goditur një zonë të gjerë në Turqinë juglindore, pranë kufirit me Sirinë, duke vrarë më shumë se 100 njerëz dhe duke bllokuar shumë të tjerë. Ndërsa, në Siri mediat shtetërore raportuan shumë vdekje në rajonet e Alepos, Hama dhe Latakia.
https://teve1.info/rajonibota/termet-i-fuqishem-ne-turqi-raportohet-per-dhjetera-te-vdekur/
