Votimi i Projekt-kodit Civil që lejonte martesën mes gjinive të njëjta, i ndau deputetët e grupit më të madh parlamentar në dy kampe, ata pro dhe ata kundër.
Kjo madje u përdor nga kundërshtarët politikë, për një iniciativë tjetër ligjore.
“Për Kodin Civil s’e keni dëgjuar kryeministrin, veproni njëjtë edhe për Trustin”, u pati thënë deputetëve të mazhorancës, kryetari i PDK-së, Memli Krasniqi.
Por, qëndrimin e kryeministrit dhe të grupit parlamentar kundër Trustit, nuk e dëgjoi vetëm një deputet, i cili abstenoi në votim.
Një numër më i madh i deputetëve nga radhët e Lëvizjes Vetëvendosje nuk ishin në një vijë mendimi sa i përket krijimit të Byrosë për konfiskimin e pasurisë së pajustifikueshme.
Në mesin e tyre ishte edhe kryekuvendari, Glauk Konjufca.
Të gjitha këto raste, sipas politologut Dritëro Arifi, shpërfaqin mosunitetin brenda grupit parlamentar.
Televizioni ka tentuar të marrë një qëndrim nga shefja e Grupit parlamentar të LVV-së, Mimoza Kusari-Lila dhe nga zyrtarë tjerë të kësaj partie, por nuk ka marrë përgjigje.
Raporti i gazetares Florijeta Dernjani.
