Ashtu siç e do rendi, njëherë u bë një fotografi për të mbetur kujtim.
Kjo pasi që në shkollën fillore e mesme e ulët “Emin Duraku” në Prishtinë u dhurua një donacion nga një kompani gjermane në Kosovë .
Bëhet fjalë për 15 kompjuterë.
Drejtori i kësaj shkolle, Visar Osmani tha për televizionin, se ky është donacioni i dytë që marrin në fushën e teknologjisë.
“Është një donacion që është dhuruar nga kompania gjermane me bazë në Kosovë “Teleperformance” e cila ka një veprimtari në fushën e telekomunikimit edhe janë diku 15 kompjuterë, modeli i fundit të cilat do t’i shfrytëzojmë për nxënësit dhe për klasë, sepse kabinetin e kemi të kompletuar”, ka deklaruar ai.
E krejt ky donacion erdhi edhe falë një prindi që punon në këtë kompani, ku fëmija e tij vijon mësimet në këtë shkollë.
“Kemi kënaqësi të bëjmë një donacion prej 15 kompjuterë me gjitha pajisjet përkatëse dmth edhe karriget. Si ka ardh deri tek ky donacion, është falë edhe një prindi që punon te na, falë bashkëpunimit me drejtorin edhe kemi parë arsyen sidomos tani që kur po shohim botën që ka një ndikim të madh tek teknologjia, kemi mendu se ky donacion do t’iu ndihmojë fëmijëve por edhe stafit kolektiv në zhvillimin e procesit mësimor”, ka thënë drejtori i kompanisë gjermane, Faton Berisha.
Nga kompania thonë se ky nuk është donacioni i vetëm dhe se nuk do të ndalen edhe me kontribute të tjera për shoqërinë.
“Ne e kemi pjesë të punës sonë që kohë pas kohe të mendojmë edhe për komunitetin sepse kompania jonë e cila është globale e cila është me mbi 100 vende të punës, pjesë të rëndësishme të punës e ka kontributin shoqëror dhe do të vazhdojmë, edhe më herët kemi pas donacione të ndryshme, në çerdhe dhe në pjesë të tjera të komunitetit”, ka deklaruar menaxheri i resurseve burimore në “Teleperformance”, Arben Abrashi.
E kompania në fjalë mori edhe dhurata simbolike.
Iu dhurua flamuri i Kosovës që është punuar nga nxënësit e shkollës “Emin Duraku”.