Janë shitur të gjitha biletat për ndeshjen mes Zvicrës dhe Kosovës, që zhvillohet të premten nga ora 20:45 në “St. Jakob Park” në Basel. Më 29 gusht u bë e ditur se kishte nisur shitja e bileta për sektorin e tifozëve të Kosovës.
“Ashtu si pritej, ‘St. Jakob-Park’ tashmë është i shitur plotësisht për ndeshjen ndaj Kosovës. Si në ndeshjen kualifikuese për Kampionatin Evropian, të luajtur në nëntor 2023, është shumë e mundur që një pjesë e madhe e tifozëve të bëjë tifo për ekipin mysafir”, ka shkruar gazeta e madhe zvicerane “Blick”.
Numër i madh i shqiptarëve jetojnë në Zvicër dhe përkrahja për Kosovën në dy ndeshjet e kaluara në këtë vend ishte shumë e madhe.
