Mesfushori i Kombëtares së Shqipërisë, Juljan Shehu pritet ta rinovojë së shpejti kontratën me skuadrën nga Polonia, Widzew Lodz.
26-vjeçari po shkëlqen në sezonin e ri dhe te Widzewi po duan ta mbajnë më gjatë në ekip, pasi tashmë kanë bërë gati kontratën e re.
Shehu ka kontratë me Widzewin deri në fund të këtij sezoni, ndërsa ka opsionin e rinovimit edhe për një vit tjetër.
Mirëpo, te skuadra polake janë të gatshëm ti ofrojnë rinovimin e kontratës deri në vitin 2028 dhe thuhet se tashmë janë në negociata.
Shehu u transferua në Poloni në vitin 2022 nga Laçi dhe në tri ndeshje kampionale të këtij sezoni ka shënuar 1 gol dhe ka bërë 1 asistim.
Ai, gjithashtu ka edhe tri ndeshje të luajtura me Kombëtaren e Shqipërisë, me të cilën debutoi në muajin mars të këtij viti.
