Historiani, Asdren Shala në emisionin “Ditari në Tëvë1 ka folur për mundësinë e një koalicioni mes partive opozitare.
Ai ka thënë se e kaluara ka treguar që qeverisjet në koalicion ndërmjet dy e tri partive performojnë dobët.
Megjithatë, sipas tij, aktualisht për opozitën nuk është me rëndësi performanca por heqja e Kurtit nga pushteti.
Sipas Shales për ta arritur këtë qëllim, partitë opozitare duhet t’i tejkalojnë ndasitë politike që i kanë, si dhe apetitet për ndarje të pushtetit.
“Praktikat e të kaluarës kanë treguar që qeverisjet me koalicionin me dy e tri parti janë qeverisje që performojnë dobët. Në këtë rast nuk është me rëndësi kjo si performojnë sa me rëndësi me e heq Kurtin njëherë. Nëse e kanë interes të vendit për ta hequr Kurtin atëherë ishte dashur t’i tejkalojnë disa dallime disa apetite për ndarje të pushtetit në mënyrë që të qeverisin të paktën për një periudhë dy ose tri vjeçare për ta kaluar një krizë ndërkombëtare”, ka thënë ai në emisionin “Ditari” në Tëvë1.
