Këto deklarata ai bëri teksa foli për insistimin e tyre si Grup Parlamentar që të formohet Komisioni Hetimor për krizën energjetike në vend.
“Kërkesa jonë tash e disa muaj ka qenë që në sektorin e energjisë kemi jotransparencë, keqmenaxhim, reagim të vonshëm qeveritar, kemi ndërhyrje politike në Rregullatorin e Energjisë, në sektorin e energjisë kemi një rezolutë nga mazhoranca që e obligon KOSTT-in të bëjë atë që se ka obligim, të marr përsipër pagesat për pjesën veriore për një afat të caktuar dhe ti realizojë ato”, deklaroi ai.
Madje, deputeti opozitar përmendi edhe “një varg shkeljesh” politike e administrative në ndërmarrjet publike si Korporata e Energjisë së Kosovës por edhe për ngritjen e çmimeve të energjisë, për çka edhe Gjykata Themelore ka dalë me një vendim.
“Kemi një varg ndërhyrjesh politike administrativ edhe në ndërmarrjen publike së fundmi kemi ndërhyrje transparente në punësime dhe familjarizëm në rastin e KEK-ut në punësime kemi një vendim të Gjykatës Themelore që konfirmon konsistencën që kemi thënë gjithë këta muaj. Pra, kemi më shumë se 200 milionë euro mjete të ndara brenda një periudhe për sektorin e energjisë pa ndonjë bazë ligjore apo një trasnparencë të mirë filltë po ashtu kemi ndërhyrje tjera cilat ndërmarrjet tjera si KEDS ka mbi 70 milionë euro ndaj KEK-ut nuk janë realizuar”, shtoi ai./teve1.info/
