Kandidatja e PSD-së për kryetare të komunës së Prishtinës, Besa Shahini thotë se sfidat në kryeqytet janë shumëfishuar.
Shahini thekson se kur një qytet është i mirë për fëmijët, ai automatikisht bëhet më i mirë për të gjithë qytetarët.
“Kur është më i mirë për fëmijët, do të thotë se ka më pak mbeturina, më shumë gjelbërim, më pak makina në rrugë dhe trotuare më të sigurta. Është një qytet më i qetë për të jetuar,” tha Shahini.
Sa i përket fushatës zgjedhore, ajo vlerësoi se takimi derë më derë është mënyra më e mirë për të kuptuar realisht se si jetojnë njerëzit në Prishtinë.
“Problemi numër një në Prishtinë është kostoja e lartë e jetesës. Atëherë unë prej kthimit nga Shqipëria tash janë bërë katër vite, unë jetoj në Prishtinë, këto sfidat që i kemi të përditshme në qytet thjesht u shumëfishuan. Takimi derë më derë ka qenë vendimi më i mirë që kemi marrë për fushatën zgjedhore, mënyra më e mirë për ta kuptuar njerëzit se si jetojnë në Prishtinë është nëse i takon aty ku jetojnë dhe punojnë…problemi numër një në Prishtinë është kostoja e lartë e jetesës”, deklaroi Shahini në emisionin “Info Nata” në Tëvë1./teve1.info/
