Sot zhvillohet dueli i tretë i serisë gjysmëfinale mes Pejës e Trepçës, për ”play off”-in e Superligës së Kosovës në basketboll.
Në dy takimet e para mes këtyre dy ekipeve u zhvilluan lojëra shumë interesante e sidomos gjysmëfinalja e dytë, që u përcaktua fituesi pas dy vazhdimeve, 107:105 për mitrovicasit, që kishin fituar edhe takimin e parë, 75:68
“Shqiponjat” sot kërkojnë fitoren me çdo kusht për të ngushtuar serinë, derisa “xehtarët” synojnë ta mbyllin dilemën e finalistit të dytë me një fitore e cila do të ishte madhështore në këtë seri.
Ndeshja mes këtyre dy skuadrave, do të zhvillohet me fillim nga ora 17:00. /Tëvë1/
