Sevilla ka shfaqur probleme të mëdha gjatë këtij sezoni, por kur vjen puna në Europa League skuadra andaluziane transformohet totalisht.
Rekordmenët e këtij kompeticioni, eliminuan Manchester United dhe do të sfidojnë Juventusin në gjysmëfinale.
Sevilla si Real Madrid? Casemiro as që ka ndërmend të pranojë një krahasim të tillë. Pas humbjes 3-0 ndaj Sevilla, mesfushori i Manchester United deklaroi:
“Ata kanë fituar gjashtë herë Europa League, por duhet të fitojnë edhe 8 trofe të tjerë për të arritur Realin e Madridit”, deklaroi 31-vjeçari.
Casemiro iu referua faktit që “Los Blancos” kanë fituar 14 herë Champions League. Mesfushori kaloi shtatë sezone të mrekullueshme në “Santiago Bernabeu” përpara se të transferohej në ishull.
