Vendosja në agjendë e aplikimit të Kosovës për anëtarësim në Këshillin e Evropës, ishte “demonstrim i fuqisë së shteteve të QUINT-it, kryesisht Gjermanisë”, ka thënë shefja e Misionit të Serbisë në Këshillin e Evropës, Aleksandra Gjuroviq.
Gjuroviq tha se Gjermania ka luajtur rol udhëheqës për të mbledhur përkrahjen e shteteve anëtare për mbledhjen e jashtëzakonshme të Komitetit të Ministrave.
“Është muzgu i të drejtës ndërkombëtare”, tha Gjuroviq, duke pretenduar se është shkelur statuti, raporton Tanjug, përcjell teve1.info.
Të hënën, Komiteti Ministror i Këshillit të Evropës, ka marrë vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës. Këshilli i Evropës është organizate lidere në mbrojtjen e të drejtave të njeriut. Anëtarësimi eventual do t’i ndihmonte Kosovës në fushën e sundimit të ligjit, dhe luftim të korrupsionit.
