Presidenti i Serbisë, Aleksandar Vuçiq, ka biseduar sot në telefon me tre senatorë amerikanë, Chris Murphy, Jean Shaheen dhe Pete Ricketts.
Temë e vetme e diskutimit ishte situata në veri, njoftoi shërbimi për media i presidencës serbe.
“Vuçiq u tha senatorëve amerikanë qartë dhe pa mëdyshje se arrestimi i sotëm i Milun Milenkoviqit është provokim dhe krim i kryeministrit të Kosovës Albin Kurti, i cili po tenton të provokojë luftë në zemër të Evropës”, citohet t’i ketë thënë Vuçiqi senatorëve amerikanë.
Ndërsa senatorët amerikanë, i kërkuan Serbisë vetëpërmbajtje dhe bën thirrje për paqe.
“Murpy, Shaheen dhe Ricketts i thanë presidentit Vuçiq se ata kërkojnë vetëpërmbajtje nga Serbia dhe thirrje për paqe sepse kjo është në interesin më të mirë të të gjithëve në Ballkanin Perëndimor”, u tha në njoftim.
