Sipas Selmanajt, një ndër rastet kur bashkësia ndërkombëtare është pozicionuar në anën e Serbisë ka qenë momenti kur kryeministri Kurti nuk e ka përfillur kërkesësn e tyre për shtyerje të afatit për targat.
“Ndër rastet e rralla kur bashkësia ndërkombëtare u pozicionua në anën e tyre, dhe çdo veprim të tyre e legjitimonin, ata thanë shtyne vendimin për targa. Jo që nuk e kanë ditur ata rëndësinë që Kosova të shtrijë sovranitetin e vet atje për t’i shtu targat tona. Jo që nuk e dinë amerikanët këtë sidomos miqtë tanë ndërkombëtarë të cilët kanë hisen më të madhe të këtij shteti dhe lirinë që e kemi sot, nuk është që nuk e dinë ata sa është i rëndësishëm ai proces. Ata kërkuan shtyerjen ky nuk e shtyu, ju dha të drejtë serbëve të rebelohen, të marrin veprime anti-ligjore dhe anti- kushtetuese”, tha Selmanaj në emisionin “Info Nata”./teve1.info./