Selektori i Zvicrës, Murat Yakin, ka folur për herë të parë rreth situatës në të cilën është përfshirë kapiteni i helvetikëve, Granit Xhaka, pasi pranoi se kishte falsifikuar certifikatën e vaksinimit kundër COVID-19.
Yakin është shprehur optimist se situata do të sqarohet deri në grumbullimin e radhës, ndërkohë që rasti i Xhakës po hetohet nga Prokuroria e Luzernit.
Pasi pranoi se falsifikoi certifikatën e vaksinimit, Xhaka u la jashtë grumbullimit për katër ndeshjet e Ligës së Kombeve që Zvicra i zhvillon këto dy javë. Ndërkohë rasti po hetohet nga Prokuroria e Luzernit.
Selektori Yakin ka thënë se Xhaka e ka kuptuar se ka bërë gabim dhe për këtë ka marrë përgjegjësinë, ndërsa është vendosur që mos të përfshihej në grumbullim për të mbrojtur ekipin.
“Jam i bindur se do të gjejmë një zgjidhje të mirë për të gjithë. Unë dhe Graniti jemi gjithmonë në kontakt. Ai është shumë i matur, i kthjellët dhe mendon e vepron në interesin më të mirë të ekipit. E vlerësoj shumë këtë”, u shpreh Yakin.
Në kuadër të Ligës së Kombeve, Zvicra do të përballet me Maqedoninë e Veriut, Skocinë dhe Slloveninë.
