Sefaj thotë se në grevë kanë hyrë me kërkesë të anëtarësisë dhe vendimin e ka shpallur BSPK.
“Ne kemi hyrë në grevë me kërkesë të anëtarësisë, këtë vendim e ka shpallur BSPK. Ne kemi arrit për herë të parë si administratë publike ta sensibilizojmë opinionin publik, t’i paraqesim kërkesat tona, të mbërrijmë t’i arsyetojmë ato dhe të marrim premtime nga Qeveria që do të përfshihen kërkesat tona në Ligjin për Paga”, ka deklaruar ai në emisionin “Info Nata” në Tëvë1.
Ai shpreson që Qeveria t’i mbajë fjalët.
“Shpresojmë që Qeveria t’i mbajë fjalët. Ne nuk kemi qenë në grevë për shuma të caktuara financiare për arsye se ne nuk mendojmë që një shumë e caktuar për një periudhë transitore i përmbush kërkesat tona dhe as na lë në grevë apo as na nxjerr nga greva”, theksoi Sefaj. /teve1.info/
