Mafia energjetike e hajnia, ishin tog fjalësh më i përdorur në seancën e jashtëzakonshme të së martës.
Në seancën e thirrur pikërisht për energjinë elektrike, nuk munguan akuzat për dallavere.
E për këtë opozita po e mban përgjegjës partinë në pushtet.
Kjo temë u tha se është sociale e jo politike, nga ai që qe iniciatori i seancës.
Jo rrallë u përmenden edhe lidhjet e pushtetit me grupe te caktuara të interesit.
Nga AAK thanë se tarifat e larta do evitoheshin, nëse vendi do lejonte ndërtimin e termocentralit të ri.
Por pavarësisht këtyre, sipas ministres së Ekonomisë, Kosova përsëri paguan më se liri për rrymën në rajon.
Këtu u ngritën edhe pyetje rreth kompanive që merren me tregtim të energjisë.
Kjo e fundit e bëri të reagojë edhe deputetin që iu përmend emri.
Debati mes tyre tejkaloi edhe çështjet energjetike, e madje u acarua goxha shumë.
Sidoqoftë diskutimi u kthye në sektorin kritik të vendit, atë të energjisë.
Por akuzat vazhduan njësoj.
Megjithatë përkundër krejt kritikave, ministrja e Ekonomisë u shpreh e lumtur për siç tha, arritjet në sektorin energjetik.
E fjalët e ministres, dikujt iu dukën më shumë si parashikime fallxhorësh se realitet.
