Në qendër të të dyja takimeve veç e veç do të jenë “qëndrimet ndaj luftës agresore të Rusisë në Ukrainë, bashkëpunimi rajonal dhe marrëdhëniet mes dy vendeve”, ka bërë të ditur Buchner, raporton “DW”.
Kurti e Vuçiqi pritet që në Berlin të takohen në mbrëmjen e së mërkurës, në prani të ndërmjetësuesit të Bashkimit Evropian për dialogun, Miroslav Lajçak, që po ashtu do të jetë në Berlin me ftesë të Scholzit.
Kurti e Vuçiqi s’kanë pasur takim në kuadër të dialogut që nga vera e vitit 2021. Javëve të fundit janë bërë më të shpeshta thirrjet për rikthim në tavolinë e dialogut. Angazhim në këtë drejtim kanë pasur Shtetet e Bashkuara të Amerikës, zyrtarë të lartë të së cilave qëndruan për disa ditë në Kosovë dhe rajon.
