Kandidati i Partisë Demokratike të Kosovës (PDK) për kryetar të Komunës së Skenderajt, Sami Lushtaku, ka përmbyllur fushatën zgjedhore me një tubim përmbyllës ku morën pjesë qindra qytetarë.
Në fjalën e tij drejtuar përkrahësve, Lushtaku u shpreh mirënjohës për mbështetjen që ka marrë gjatë gjithë fushatës, duke theksuar se kjo përkrahje është dëshmi e lidhjes së fortë mes tij dhe qytetarëve të Skenderajt.
“Faleminderit Skenderaj për përkrahjen, besimin dhe pjesëmarrjen e sontme në tubimin përmbyllës të fushatës sonë. Mirënjohës përjetë!”, shkroi Lushtaku në një postim në rrjetet sociale, ku publikoi edhe pamje nga takimi.
Ai shtoi se mbështetja e qytetarëve është nxitje për të vazhduar punën e nisur dhe për të çuar përpara projektet zhvillimore për komunën, nën moton #VazhdojmëPërSkenderajn dhe #PDK191.
