Sami Lushtaku ka reaguar përmes një postimi në rrjetet sociale pak para intervistimit të tij lidhur me ngjarjen e ndodhur një ditë më parë, duke theksuar se gjithmonë i është përgjigjur institucioneve të drejtësisë.
Në reagimin e tij, Lushtaku ka thënë se respekton institucionet shtetërore dhe se është i gatshëm të bashkëpunojë me organet e drejtësisë sa herë që kërkohet.
Ai ka bërë edhe krahasime me kryeministrin Albin Kurti, për të cilin tha se nuk tregon respekt ndaj institucioneve të rendit dhe drejtësisë, duke e akuzuar për shkelje të Kushtetutës kur i përshtatet politikisht.
Mes tjerash, Lushtaku u ka bërë thirrje qytetarëve për qetësi dhe maturi, ndërsa ka kërkuar që Prokuroria të veprojë në mënyrë të pavarur dhe pa ndikime politike.
