Zëvendësministri i Drejtësisë, Blerim Sallahu ka komentuar një deklaratë të Koordinatorit të PDK-së për Drejtësi, Perparim Gruda, i cili sot në një konferencë për shtyp tha se “Meqë Donika Gërvalla dhe Martin Berishaj i kanë nga dy pasaporta, kur ta merrë mandatin PDK, ata nuk do të jetojnë në Kosovë”.
Sipas Sallahut kjo deklaratë përbën kërcënim.
“Ky është kërcënim dhe njëkohësisht dhunim brutal i të drejtave dhe lirive themelore të përcaktuar me kushtetutë”, ka shkruar Sallahu.
Ai tutje ka shtuar se Gërvalla e Berishaj mund të posedojnë edhe më shymë se dy pasaporta dhe mund ta zgjedhin shtetin ku duan të jetojnë.
“Këtë ua garanton secili akt me efekt juridik të brendshëm dhe ndërkombëtar, e jo dëshirat e përfaqësuesve të goditësve të shtetit përmes konferencave të zakonshme me përmbajtje jashtëzakonisht të dobët”, ka shkruar Sallahu.
