Zëvendëskryesuesi i Kuvendit Komunal në Mitrovicën e Veriut, Skender Sediku ka thënë se vendimi për hapjen e urës kryesore mbi lumin Ibër ka qenë shprehje e vullnetit që qytetit t’i kthehet normaliteti.
Ai ka thënë se vendimet e Kuvendeve Komunale shqyrtohen nga Ministria e Administrimit dhe Pushtetit Lokal, por që për këtë çështje duhet reflektim edhe nga institucionet tjera përfshirë edhe faktorin ndërkombëtar.
Sadiku në emisionin “Ditari” në Tëvë1 ka thënë se ende nuk kanë marrë përgjigje as nga ministria, por shtoi se hapja e urës sa më shpejtë do të ishte lehtësim për qytetarët.
“Kemi shprehur një vullnet të mirë që të hapin qytetin dhe presim reflektim edhe nga jugu po edhe presim edhe nga faktori ndërkombëtar.. Sa më shpejtë që të bëhet do të jetë më mirë dhe do të jetë shenjë që qyteti po i kthehet normalitetit”, tha ai.
Sadiku tha se pas vendimit të 28 prillit të Kuvendit Komunal nuk kanë marrë ndonjë shkresë nga KFOR-i apo organet tjera.
Sadiku tha se vendimi për hapjen e urës ka qenë kërkesë e shumë qytetarëve dhe se nuk ka pasur ndonjë koordimin me nivelin qendror.
Pas vendimit të Kuvendit Komunal të Mitrovicës së Veriut për hapjen e urës mbi lumin Ibër, KFOR-i ka thënë se kjo gjë mund të bëhet vetëm me marrëveshje politike.
Ndërsa Qeveria e Kosovës e ka vlerësuar si veprim të drejtë.
Ky vendim është kritikuar nga Lista Serbe, por sipas Sadikut nuk ka ndonjë indikacion që mund të ketë incidente.
Pas vendimit për urën në diskutim është kthyer edhe nderimi i xhamisë e cila ishte afër lumit Ibër e që ishte djegur gjatë luftës.
Sadiku në Tëvë 1, nuk e përjashtojë mundësin e ndërtimit të saj. Ai tha se xhamia dhe mulliri i vjetër kanë qenë ndër simbolet e qytetit.
