Eshtë një nga ushqimet më të njohura në botë, i konsumuar çdo ditë nga miliona njerëz dhe shpesh i promovuar si “snack”-u i shëndetshëm.
E lirë, e lehtë për t’u transportuar dhe natyrshëm e ëmbël, banania është fruti më i shitur dhe është lidhur ngushtë me formën fizike, shëndetin kardiovaskular, tretjen e mirë dhe furnizimin e menjëhershëm me energji.
Megjithatë, vitet e fundit ajo ka hyrë në shënjestër të kritikave.
Disa e konsiderojnë tepër të ëmbël, të pasur me niseshte apo potencialisht problematike për nivelin e sheqerit në gjak. A është vërtet kaq e shëndetshme sa besohet gjerësisht, apo kemi të bëjmë me një frut të keqkuptuar?
Banania u kultivua fillimisht në Azinë Juglindore më shumë se 7.000 vjet më parë dhe u përhap në mbarë botën përmes rrugëve tregtare.
Në Mbretërinë e Bashkuar ajo u bë gjerësisht e disponueshme në fund të shekullit XIX, falë zhvillimit të anijeve me avull dhe teknologjive të ftohjes që e bënë importin më të përballueshëm. Sot, varieteti i verdhë dominon raftet e supermarketeve, ndërsa një britanik mesatar konsumon rreth 20 banane në vit.
Sipas Dr. Duane Mellor, dietolog i regjistruar dhe pedagog i lartë në Shkollën e Mjekësisë në Aston University, ndikimi ushqyes i bananes varet në masë të madhe nga mënyra dhe momenti kur ajo konsumohet.
Një banane mesatare përmban rreth 14 gramë sheqerna natyralë dhe 100–110 kalori. Bananet njihen për përmbajtjen e tyre të kaliumit, me rreth 350-400 mg për frut mesatar.
Një banane mesatare përmban rreth 3 gramë fibra, të cilat mbështesin tretjen dhe funksionimin e zorrëve. Me interes të veçantë është e ashtuquajtura “niseshte rezistente”.
Shërbimi Shëndetësor Kombëtar rekomandon të hani pesë porcione frutash dhe perimesh në ditë, me një banane mesatare (80g) si një porcion. Megjithatë, rekomandohet të hani një ose dy në ditë si pjesë e një diete të ekuilibruar.
