Rusia ka publikuar pamje ku pretendohet se ushtria e saj ka marrë nën kontroll ytetin e Pokorvskit në rajonin e Donetskut dhe Vovchanskin në Kharkiv.
Për këtë ka reguar edhe presidenti Rus, Putin i cili ka përshëndetur atë që komandantët e tij e cilësuan si marrjen e plotë të qytetit të Pokrovskut në lindje të Ukrainës, duke e quajtur këtë një fitore të rëndësishme pas një fushate të zgjatur ushtarake. Në një video të publikuar nga Kremlini mbrëmjen e së hënës, Putin – i veshur me uniformë ushtarake dhe i ulur në një qendër komanduese – falënderoi drejtuesit e ushtrisë për arritjen.
“Dua t’ju falënderoj. Ky është një drejtim i rëndësishëm. Ne të gjithë e kuptojmë mirë sesa i rëndësishëm është,” tha ai, teksa theksoi se kontrolli i qytetit do të ndihmojë në përmbushjen e objektivave më të gjera të Moskës, shkruan Reuters.
Rusia e njeh qytetin me emrin sovjetik Krasnoarmeysk, dhe është përballur me rezistencë të ashpër ukrainase që prej mesit të vitit 2024, kur nisi ofensivën për të marrë nën kontroll Pokrovskun – dikur një nyje strategjike logjistike për ushtrinë ukrainase.
Sipas Putinit, ky zhvillim do të “sigurojë zgjidhjen e detyrave që u vendosën në fillim të operacionit special ushtarak”, term që Moska përdor për të përshkruar fushatën e saj gati katërvjeçare në Ukrainë.
Rënia e qytetit, nëse konfirmohet, i jep Moskës një pikënisje të rëndësishme për të shtyrë përpara drejt veriut, në drejtim të dy prej qyteteve më të mëdha që ende kontrollohen nga Ukraina në rajonin e Donetskut: Kramatorskut dhe Slovianskut.
Russian soldiers walk freely through the center of Pokrovsk, with no signs of any resistance in the immediate proximity.
On Monday, Russian high command reported to Russian President Putin that the Ukrainian city of Pokrovsk in Donetsk Oblast has been fully captured by Russian… pic.twitter.com/satCTUyjKE
— Status-6 (Military & Conflict News) (@Archer83Able) December 1, 2025
