Anëtarëve të kabinetit të Kishida, përfshirë ministrin e Jashtëm, Yoshimasa Hayashi, Ministrin e Mbrojtjes, Nobuo Kishi dhe Ministrin e Financave, Shunichi Suzuki janë ndaluar gjithashtu të hyjnë në vend, si dhe anëtarëve të parlamentit dhe ushtrisë, raportoi RIA.
“Administrata e Fumio Kishida filloi një fushatë të paprecedentë anti-ruse, duke lejuar retorikë të papranueshme kundër Federatës Ruse, duke përfshirë shpifje dhe kërcënime të drejtpërdrejta”, tha Ministria e Jashtme ruse në një deklaratë, sipas RIA.
“Ajo ka jehonë nga personazhe publike, ekspertë dhe përfaqësues të mediave të Japonisë, të cilët janë plotësisht të angazhuar në qëndrimet e Perëndimit ndaj vendit tonë”.
Që nga marsi, Japonia ka vendosur një sërë sanksionesh kundër Rusisë, duke përfshirë ngrirjen e aseteve të Presidentit, Vladimir Putin, dhe anëtarëve të familjes së tij, në përgjigje të pushtimit rus të Ukrainës.
Ndërsa, javën e kaluar, Rusia paralajmëroi Japoninë për “masa hakmarrëse” nëse zgjeron stërvitjet e përbashkëta detare me Shtetet e Bashkuara pranë kufijve lindorë të Rusisë.
Kërcënimi ishte sulmi i fundit nga Moska, e cila është zemëruar nga mbështetja e Japonisë për Ukrainën dhe lidhjet e saj në rritje me vendet e NATO-s, raporton CNN, përcjellë teve1.info
