Ndihmës Sekretari i Përgjithshëm i NATO-s për Çështje të Jashtme dhe Siguri, Boris Ruge, ka thënë se për çështjen e hapjes së urës së Ibrit, vendimet duhet të vijnë përmes dialogut dhe koordinimit.
Ai këto komete i ka bërë në X ku njoftuar për takimin që ka zhvilluar me presidenten e Kosovës, Vjosa Osmani.
“NATO është krenare që ka ofruar një mjedis të sigurt dhe të sigurt për të gjithë në Kosovë për 25 vjet. Sot me Vjosa Osmanin bëmë një bilanc të asaj që u arrit. Për urën mbi Ibër nënvizova pikëpamjen e NATO-s se vendimet duhet të vijnë përmes dialogut dhe në mënyrë të koordinuar”, ka shkruar ai.
Në komunikatën e Presidencës për këtë takim, thuhet se Osmani ka thënë se hapja e urës së Ibrit i shërben integrimit të të gjithë qytetarëve, ndërsa ka shtuar se duhet koordinim dhe një plan i përbashkët i zbatimit me NATO-n.
#NATO is proud of having provided a safe&secure environment for all in #Kosovo for 25 yrs. Today with @VjosaOsmaniPRKS we took stock of what was achieved. On the bridge over the Ibar/Ibër, I underlined NATO’s view that decisions must come thru dialogue & in a coordinated manner. pic.twitter.com/QAONPdMuyv
— Boris Ruge (@RugeBoris) August 20, 2024
