“Nuk nënkupton që të kesh një program ose një emision, i cili ka vlera e të mos ketë shikueshmëri”.
Kështu thotë drejtori gjeneral i televizionit Tëvë1, Mehmet Kalisi.
Me rastin e tre vjetorit të televizionit Tëvë1, Kalisi thotë që synimi është që të bëhet gazetari televizive me kualitet, profesionalizëm e vlera.
“Ideja ime, ka qenë që nga fillimi që e kuptoj presionin e ta quajmë shikimeve online apo klikimeve online e kuptoj që gjithmonë sot jemi në kërkim të sensacioneve, lajmeve bombastike apo titujve bombastik që të ndonjëherë edhe jo të vërtetë apo edhe mashtrues me synimin që ndonjëherë vetëm për të arrit atë shikueshmëri, të cilën të gjithë e synojmë. Principi im kryesor në bërjen e TV-së është që ne të kemi kualitet profesionalizëm vlera dhe do t’i kemi shikuesit dhe do t’i arrijmë shikuesit”, thotë drejtori në emisionin “Këndi i Debatit”.
Kalisi thekson që Tëvë1 është televizioni i dytë më i shikuar në Kosovë.
“Tëvë1 në fund te vitit 2023 është radhitur diku televizioni i 6 apo i 7, po flas për faqen zyrtare në Youtube të shikueshmërisë në Kosovë, ndërsa tani ne jemi televizioni i dytë më i shikuar në Kosovë dhe është në një rritje gati 200 për qind, pra kjo mjaftueshme tregon sesa ne jemi rrit”, tregon Kalisi.
Drejtori gjeneral tregon se në Tëvë1 së shpejti do të ketë projekte të reja, gjë që pritet për t’u parë!
“Ne kemi qenë të bindur që në fillim dhe kjo është treguar e vërtetë dhe ketë rrugë çdo herë do ta sjellim para shikuesve tanë projekte të reja, ndoshta do flasim edhe më vonë për projekte të cilat synojmë në të ardhmen t’i kemi, në parimin kryesor do ta kemi t’ju përmbahemi vlerave tona ato të cilat i kemi përcaktuar me planin strategjik dhe duke u bazuar në ato vlera ne do të kemi shikueshmërinë tonë, e cila është gjithnjë e në rritje dhe shumë të madhe”, tha ai./teve1.info/
