Kryeqyteti mbrëmë u trondit nga një vrasje që ndodhi në rrugën “Gazmend Zajmi” në lagjen Aktash në Prishtinë. Nga të shtënat me armë mes dy grupeve, mbeti i vrarë një person dhe u plagosën pesë të tjerë, raporton teve1.info
E kjo rrugë vazhdon të mbetet e bllokuar që nga mbrëmë, përderisa policia e forenzika ndodhen në vendin e ngjarjes
Ndryshe, Policia e Kosovës përmes raportit 24-orësh ka dhënë detaje për gjuajtjet me armë që ndodhën mbrëmë në Prishtinë.
Policia ka bërë të ditur se një person ka mbetur i vdekur dhe pesë të tjerë janë duke u trajtuar në QKUK, të cilët janë nën masën e arrestit dhe mbikëqyrjen policore, raporton teve1.info
“Rr. Gazmend Zajmi, Prishtinë /01.09.2024 – 22:04. Një mashkull kosovar ka mbetur i vdekur si pasojë e plagëve të pësuara gjatë të shtënave me armë ndërmjet dy grupeve. Vdekjen e viktimës e ka konstatuar ekipi mjekësor në vendin e ngjarjes. Po ashtu si pasojë e shkëmbimit të zjarrit kanë mbetur të plagosur edhe 5 të dyshuar meshkuj kosovarë, të cilët janë duke u trajtuar në QKUK nën masën e arrestit dhe mbikëqyrje policore. Përveç njësive policore në vendin e ngjarjes ka dalë edhe prokurori dhe zyrtarët e Institutit të Mjekësisë Ligjore që e kanë tërhequr trupin e pajetë për obduksion”, thuhet në raport.
E për gjendjen e të plagosurve, mjeku kujdesar, Avdush Bajgora për Tëvë1, ka thënë se gjendja shëndetësore është e rëndë.
