Reshjet e shiut ka vështirësuar gjendjen e rrugës “Hasan Prishtina” në magjistralen Prishtinë –Obiliq, në të cilin ka rrëshqitje të dheut.
Për këtë çështje ka reaguar edhe Komuna e Obiliqit përmes një postimi në rrjete sociale.
E nga Drejtoria për Mbrojtje dhe Mjedis thonë që deri më tani tre herë kanë kërkuar nga Ministria e Infrastrukturës të rregullojnë këtë problem.
“Tani e dy muaj po ballafaqohemi me rrëshqitjen e dheut në atë zonë, siç e dini është rrugë regjionale në kompetencë të Ministrisë së Infrastrukturës. Kemi rishkrua shkresa për të tretën herë dje, kemi bo dhe njoftime për shkak të reshjeve të fundit të shiut dhe rreziqeve që mund t’i shkaktojë për qytetarët kjo rrugë, kështu që nuk kemi ende ndonjë reagim prej Ministrisë së Infrastrukturës gjë që për neve është mjaft shqetësuese sepse në çdo rast mund të ketë aksidente me fatalitet”, ka thënë Fitore Hashani, drejtoresh për Mbrojtje dhe Mjedis në Komunën e Obiliqit
Teksa i bëjnë apel Ministrisë që të reagojnë sa më shpejtë.
Televizioni ka kontaktuar këtë dikaster për të marrë më shumë informacion, por të njëjtit deri në publikimin e kronikës nuk kanë kthyer përgjigje.
E gjatë kalimit në këtë rrugë, nga Komuna lusin qytetarët që të shtojnë kujdesin.
