Së bashku me mbesën e saj, Valdete Nalli mori rrugën për në varreza.
Valdetja kujton fjalët e fundit nga vëllezërit e saj por edhe momentin e vështirë, kur mori vesh për vdekjen e tyre.
“I kemi pas 10 fmi t’vllaznive të vogjël, ne kemi ik, kemi dal ne mal kemi shku. Unë me fëmijë, vllaznit edhe babën i kemi lanë në shtëpi, se kemi pas plot njerëz. Thanë ju shkoni largohuni, bile pshtoni fëmijët, po thanë lotin s’dojmë me ju pa për askënd hiç, edhe me vdek për këtë vend jemi tu vdek. Atje në mal na kanë zënë edhe 13 burra nën prezencën tonë i kanë vra aty”, ka thënë ajo.
Ajo tregon momentin kur mori vesh për vrasjen e vllëzerve.
“Kur kemi shku në fshatin Nagavcë, kur jemi shku te tezja jem jemi kanë, kur na kanë pa, a s’ju kanë vra krejtve tha a?, edhe aty jemi shoku, pse? Se se kemi dit çka ka ndodh këtu, se s’kemi mujt me hi. Pse, çka ka ndodh, tha i kanë vra moj djemtë e juj, ju kanë vra, vllaznit ju kanë vra”, rrëfen ajo për teve1.info.
22 vjeçare aso kohe, Nalli me lot në sy tregon një prej momenteve më të vështira.
“Dashte, s’dashte forca u dashke, forca u dashke. Njeri ish ma i fortë se guri.A i keni gjet krejt trupat, kur I kemi vorros dy vllaznit që I kemi gjet të karbonizum, nana zakonisht m’vetke a janë krejt trupat, po nanë I thojsha krejt janë, se ajo se dike që s’janë krejt. Po ku I gjete krejt m’pytke. Dojke mi shplu me I pa, thojsha s’bon me i shplu”, thotë Nalli.
Ndërsa, pas 24 vitesh, Valdetja shpreh vetëm një pendesë.
“Kam gabu vec që s’jam shku me ata. Ma mirë thosha neve me na vra se ata. Fëmijët jetima na kanë mbet, gratë, fëmijët. Është krim te na, krim. Por jeta po vazhdojke gjithqysh. Unë kam ardh, e çeli derën e shpisë, e msheli, hi tu kajt, dal tu kajt. S’është kërkush I gjalli në lagjen tonë, prej sot kur largohen krejt njerzit, atje s’ki”, thotë ajo.
Sipas saj, për të rënët në këtë masakër, drejtësia nuk u vu asnjëherë në vend.
Më 25, 26 e 27 mars të vitit 1999, në fshatin Krushë të Rahovecit janë masakruar 243 persona nga forcat serbe.
Kronika e realizuar nga gazetarja Valëza Sylejmani
