Një përleshje mes gjashtë personave është raportuar në Ferizaj, pas një mosmarrëveshjeje. Sipas Policisë së Kosovës, të dyshuarit janë pesë meshkuj kosovarë dhe një shtetas i huaj.
Në raportin policor thuhet se si pasojë e përleshjes, tre prej të dyshuarve kanë pranuar tretman mjekësor, ndërsa njëri prej tyre është dërguar në Qendrën Klinike Universitare të Kosovës për trajtim të mëtejshëm.
Gjatë rastit, Policia ka sekuestruar edhe një kaçavidë.
Me vendim të prokurorit, pesë të dyshuar janë intervistuar dhe më pas janë dërguar në mbajtje. Ndërkohë, i dyshuari që ndodhet në QKUK nuk është intervistuar për shkak të gjendjes së tij shëndetësore.
Rasti është duke u hetuar nga organet kompetente.
“Ferizaj 11.08.2026 – 00:10. Raportohet se pas një mosmarrëveshje ka ardhur deri te rrahja në mes gjashtë personave, ku të dyshuar janë pesë meshkuj kosovarë dhe një shtetas i huaj. Tre nga të dyshuarit kanë pranuar tretman mjekësor, ndërsa njëri nga ta është dërguar në QKUK për tretman të mëtutjeshëm. Një kaçavidë është sekuestruar. Me vendim të prokurorit pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore”, thuhet në raport./teve1.info/
