Te Kombëtarja e Portugalisë, më në fund ka paqe pas situatës së krijuar pas ndeshjes me Norvegjinë.
Portugalia fitoi 2:1 ndaj Norvegjisë në Ligën e Kombeve, ndeshje në të cilën Cristiano Ronaldo nuk u aktivizua fare, gjë që shkaktoi polemika.
Ronaldo ishte i pakënaqur me vendimin e selektorit Jorge Jesus, duke u larguar drejt dhomës së zhveshjes menjëherë pas ndeshjes.
Si pasojë e kësaj, Ronaldo nuk mori pjesë as në seancën stërvitore të Portugalisë të martën, duke krijuar një situatë tensionimi në prag të duelit me Danimarkën.
Megjithatë, mësohet se Ronaldo është sqaruar me selektorin Jesus dhe nuk kishte nevojë për ndërhyrje të kreut të federatës portugeze, i cili kishte udhëtuar drejt Kopenhagës.
Kështu që, pasi dyshja ka arritur paqen, te Portugalia ka qetësi dhe gjithçka është gati për duelin e së enjtes, në të cilin pritet të ketë minuta për Ronaldon.
