Ambasadori i Gjermanisë në Kosovë, Jorn Rohde në 25-vjetorin e masakrës së Krushës tha se kjo masakër ishte tregues se kishte ardhur koha për ndërhyrjen e NATO-s.
Ambasadori gjerman kërkoi që autorët e kësaj masakre të dalin para drejtësisë.
“Kjo si dhe masakrat tjera, vetëm treguan se kishte ardhur koha tashmë që NATO të ndërhynte për ta shmangur atë tragjedi humanitare si dhe spastrimin etnik i cili po ndodhte këtu. Shumica e atyre që i kanë kryer këto krime janë ende në arrati dhe krejt çka mund të them, është që kjo nuk do të duhej të lejohej”, tha ai.
Ndërkohë, Rohde uroi që Kosova të anëtarësohet në BE së shpejti.
“Shpresoj që Kosova bashkë me të gjithë fqinjët e saj, së shpejti do t’i bashkohet familjes europiane”, u shpreh ai.
