Rizvanolli tha se Qeveria e Republikës së Kosovës, është e përkushtuar të aplikojë një qasje të re për adresimin e sfidave aktuale dhe për vendosjen e themelit për një të ardhme të sektorit energjetik.
“Strategjia është dokument themelor i cili përcakton drejtimin dhe veprimet kryesore për zhvillimin e sektorit të energjisë gjatë 10 viteve të ardhshme. Sipas legjislacionit në fuqi, plani i veprimit i strategjisë do të përcaktojë masat, aktivitetet e projektet specifike për periudhë 3 vjeçare. Qeveria e Republikës së Kosovës është e përkushtuar që ta aplikojë një qasje të re të planifikimit për të adresuar sfidat aktuale dhe për të vendosur themelin për një të ardhme të sektorit energjetik”, u deklarua Rizvanolli para deputetëve.
Ajo njoftoi se për analiza e modelime, ekipi është mbështetur nga Qendra Rajonale për Hulumtim të Politikave Energjetike nga Budapesti.
“Është mundësuar me mbështetjen e agjencisë amerikane për zhvillim ndërkombëtar, USA”, tha tutje Rizvanolli.
Më tej, Rizvanolli tha se modelimi i tregut të energjisë është bërë orë për orë, teksa shtoi se është përdorur një model evropian i energjisë elektrike.
“Siguria e furnizimit do të përforcohet duke investuar për t’i bërë kapacitetet tona ekzistuese të tilla që mund të mbështetemi në to. Pra, më të sigurta në prodhim e me miqësore për ambientin”, u shpreh ajo.
Gjithashtu, ajo bëri të ditur se brenda tri viteve do të arrihet kapacitet prej 500 MË të energjisë së ripërtëritshme./teve1.info/.
