Portieri i Kombëtares së Kosovës, Arijanet Muriq ka arritur marrëveshje personale me Rizesporin dhe është në pritje të dirtës së gjelbër nga Ipsëich Toëni për t’u transferuar në Turqi.
Rizespori është në negociata me Ipswichin për ta finalizuar marrëveshjen sa më shpejtë, në mënyrë që Muriq të marrë rrugën drejt Turqisë për kontrollimet mjekësore, firmosjen e kontratës dhe prezantimin e tij.
Rizespori në sezonin e ri, po synon daljen në kupat e UEFA-s dhe Muriq po vlerësohet si përforcim i rëndësishëm për portën.
26-vjeçari, verën e shkuar u transferua te Ipswichi dhe ka kontratë deri në vitin 2028, ndërsa e njeh kampionatin e Turqisë pasi për një sezon ishte i huazuar te skuadra e Adana Demirsporit.
Gjatë karrierës, Muriq ka qenë pjesë edhe e skuadrave tjera, si Manchester City, Willem II, Girona, Nottingham Forest e NAC Breda.
Ai ka edhe 36 paraqitje për Kombëtaren e Kosovës, me të cilën debutoi në nëntor të vitit 2018.
