Kombëtarja e Kosovës në kategorinë e femrave ka pësuar një humbje të thellë në udhëtim kundër Norvegjisë.
Dardanet kanë pësuar një humbje me rezultatin 5:1, përballë një kundërshtari që ishte në formë të mirët. Hegerberg shënoi tri gola (21’, 23’ dhe 60’) dhe ishte më e vështira për t’u kontrolluar nga vashat tona.
Për Norvegjinë shënuan edhe Leonhardsen-Maanum 31’ dhe Ildhusoy në minutën e 84’. Te kombëtarja e Kosovës golin e vetëm e shënoi Memeti në minutën e 55’.
Sërish humbje e thellë përballë Belgjikës. Kombëtarja shqiptare e femrave, humbi 0-5 duelin ndaj belgeve, i vlefshëm për eliminatoret e Botërorit 2023.
Vajzat e Armir Grimës rezistuan mirë deri në minutën e 37-të, por e mbyllën pjesën e parë në disavantazh të trefishtë pas golave të Tinne De Caigny (2x) dhe Tessa Wullaert.
Kombëtarja e Belgjikës realizoi edhe dy gola të tjerë në fraksionin e dytë të takimit të luajtur në “Elbasan Arena”. Wullaert kompletoi dygolëshin e saj, ndërsa Jassina Blom vulosi triumfin me “manita”.
Tjetër humbje e thellë e kombëtares me Belgjikën, pas asaj 7-0 në transfertë. Suksesi i sotëm ka ngjitur Belgjikën në vend të dytë të grupit F me 16 pikë, tre më pak se Norvegjia kryesuese.
Shqipëria mbetet në vend të katërt me 7 pikë, ndërsa vajzat dardane renditen një pozicion më poshtë me tre pikë më pak.
