Katër ushtarë izraelitë u vranë dhe tre të tjerë u plagosën në një përleshje me Hezbollahun në jug të Libanit, njoftuan të martën Forcat e Mbrojtjes të Izraelit, shkruan The Times of Israel.
Ndërkohë, Ministri i Mbrojtjes, Israel Katz, tha se Forcat Mbrojtëse të Izraelit do të mbeten nën kontroll të sipërfaqeve të mëdha të Libanit jugor derisa të hiqet kërcënimi i Hezbollahut dhe se “të gjitha shtëpitë në fshatrat libaneze pranë kufirit do të shkatërrohen”.
Ndërkohë, Izraeli ka vazhduar të sulmojë vende të ndryshmë të Libanit edhe të martën, raporton Anadolu.
Ministria e Shëndetësisë e Libanit tha se numri i të vdekurve nga sulmet e vazhdueshme izraelite ndaj vendit që nga 2 marsi është rritur në 1,268, me 3,750 të plagosur.
Në raportin e saj të përditshëm, ministria tha se 21 persona u vranë dhe 70 të tjerë u plagosën në 24 orët e fundit si pasojë e sulmeve izraelite.
Më tej, u shtua se midis viktimave janë 125 fëmijë dhe 88 gra, ndërsa midis të plagosurve janë 423 fëmijë dhe 473 gra.
