Procesi i rinumërimit të votave në Qendrën e Numërimit dhe Rezultateve po ecën përpara, duke u zhvilluar mbi bazën e vendvotimeve që janë përfshirë në vendimin e KQZ-së.
Që nga nisja e rinumërimit më 13 janar 2026 e deri më 26 janar, janë verifikuar 1.729 vendvotime nga 2.557 sa janë gjithsej, çka nënkupton se deri tani është përmbyllur rreth 67.6 për qind e procesit.
Të dhënat e deritanishme tregojnë se Lëvizja Vetëvendosje kryeson me 47.04 për qind të votave, e pasuar nga PDK me 22.70 për qind. Në vendin e tretë renditet LDK me 11.42 për qind, ndërsa AAK ka siguruar 5.94 për qind të votave të numëruara deri tani. /teve1.info/
