Për herë të parë po ndodh që të miratohet një dokument nga institucionet e Bashkimit Evropian që e përmend njohjen e ndërsjellët mes Kosovës dhe Serbisë.
Zbatimi i marrëveshjes e njohja e ndërsjellë i është kërkuar edhe Kosovës. Madje mes tjerash në rezolutën e miratuar për Kosovën Parlamenti Evropian ka kërkuar edhe nga vendet anëtare të BE-së që të miratojnë liberalizimin e vizave për qytetarët e Kosovës, si dhe i ka bërë thirrje pesë vendeve mos njohëse, që ta njohin pavarësinë e Kosovës.
Por shtetet anëtare të Bashkimit Evropian nuk janë të obliguara t’i zbatojnë këto rezoluta të miratuara nga Parlamenti Evropian.
Shndërrimit të këtyre raporteve në rezoluta ju ka paraprirë një debat në Parlamentin Evropian gjatë të martës. E në këtë diskutim u vërejt qasja përkrahëse e Eurodeputeti austriak, Lukas Mandl, i cili tha se Kosova e ka fituar lirinë me gjak, andaj siç ka thënë ai rruga e integrimit të Kosovës duhet të ndodh sa më shpejte.
Ndërsa, eurodeputeti katalonas, Jordi Sole, ka thënë se pavarësia e Kosovës është e pakthyeshme dhe mosnjohjen e pavarësisë nga ana e Spanjës e ka cilësuar si frikësim.
Raporti i gazetarit Valmir Gallopeni.
