Basketbollisti Bardh Rexha do të jetë kapiten i skuadrës së Grapelandit nga Rahoveci edhe në sezonin 2025/26 të Superligës.
Grapeland që në sezonin e ri do të debutojë në elitën e basketbollit ka njoftuar të martën se Rexha ka vazhduar kontratën edhe për një vit.
Rexha ishte njëri ndër më të merituarit sezonin e shkuar që Rahoveci doli kampion i Ligës së Parë dhe u promovua në Superligë.
Rexha është përforcimi i tetë i Grapelandit për sezonin e ri, në të cilin do të udhëhiqet nga trajneri Bujar Loci.
Krahas Rexhës, prej lojtarëve vendor ekipit tashmë i janë bashkuar edhe Kujtim Ujkani, Eliot Peci, Visar Ejupi e Hadis Durguti.
Ndërkohë, Grapelandi ka zyrtarizuar edhe katër të huaj, të gjithë amerikanë: Isiah Umipig, Kentrell Pullian, Philbert Weekes e Ernest Ross.
