Reshitaj thotë se të kalojë situata e grevës në këtë instancë, duket fyese.
“Për besë, kjo është e turpshme. Të kalojë situata e grevës, një problem i brendshëm i vendit tonë në këtë instancë, pas kaq vitesh shtetndërtimit dhe luftës tonë të përbashkët për të pasur një shtet të zhvillueshëm, duket fyese”, deklaroi ajo në emisionin “Ditari” në Tëvë1.
Po ashtu, Reshitaj tha se nuk do të donte që gjithmonë të kërkojnë ndihmë nga një përfaqësues i huaj për të zgjidhur çështjet tona të brendshme.
Sipas saj, janë të aftë që t’i zgjidhin këto çështje vet.
“Këtë përfaqësuese të Evropës nga Sindikata e Arsimit të Evropës do doja ta presim në një vizitë më ndryshe, jo për këtë çështje. Nuk do të doja që gjithmonë të kërkojmë ndihmë nga një përfaqësues i huaj për të na zgjidhur çështjet tona të brendshme që unë konsiderojë që jemi aq të aftë që t’i zgjedhim vet”, ka thënë Reshitaj. /teve1.info/
