E pas heqjes së tyre, i pari që reagoi ishte Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.
Në një shkrim në llogarinë e tij në Twitter, Borrell tha se diplomacia mbizotëroi në uljen e tensioneve në veri të Kosovës.
“Mirë se vini lidershipin e përgjegjshëm të Presidentit Vuçiq dhe Kryeministrit Kurti. Bashkimit Evropian, e SHBA-së dhe punës ekipore. Faleminderit të gjithë të përfshirëve! Tani kemi nevojë për përparim urgjent në Dialog”, ka shkruar Borrell.
Ndërsa KFOR-i kë thënë se heqja e barrikadave duhet të bëhet shpejt dhe në mënyrë të sigurt, duke shmangur çdo lloj incidenti apo rreziku.
“Të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm. KFOR-i po monitoron nga afër zhvillimet”, thuhet në komunikatën e këtij misioni.
Tërheqjen e barrikadave e mirëpriti edhe kryeministri Albin Kurti.
“Barrikadat po hiqen. Të dielën e thamë që është çështje ditësh kur do të largohen ato. Edhe më mirë që kjo të bëhet pa ndërhyrjen e policisë sonë. Vet i vunë barrikadat, vet i hoqën ato. Me fjalë të tjera krejt kot janë lodhur ata të cilët e bllokuan vetën”, ka thë Kurti.
Një reagim erdhi edhe nga kryeministri i Shqipërisë, Edi Rama, duke thënë se nuk u pa asgjë e re.
“Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!”, ka shkruar Rama.
Ndërkaq, opozita e kritikoi Kurtin se ka bërë marrëveshje të fshehtë me Vuçiqin.
“Është tashmë evidente që kryeministri i Kosovës, Albin Kurti ka pasur marrëveshje të fshehtë me presidentin e Serbisë, Aleksandër Vuçiq për heqjen e barrikadave, duke u pajtuar me lirimin e të akuzuarit për terrorizëm, Pantiq, por përveç tij kanë liruar edhe serbët të tjerë, siç ishte rasti i Nedelkoviq që e kanë liruar dje”, ka thënë Krasniqi.
Përmes një komunikate për media, heqjen e barrikadave e pwrshwndeti edhe Franca, e cila i bwri thirrje Kosovës dhe Serbisë që të vazhdojnë angazhimin konstruktiv për të ulur tensionet dhe për të shkruar drejt një marrëveshje
Kronika e gazetares Valëza Sylejmani
