Në emisionin “ResPublika” në Tëvë1, Rashiti tha se sot, në këto rrethana të zhvillimeve në Ukrainë, për Kosovën top-prioritet duhet të jetë anëtarësimi në NATO, si një garanci për sigurinë e saj. Krahas NATO-s, Rashiti thotë se duhet të punohet që Kosova të zë vendin e saj edhe në Këshillin e Evropës.
“Prej viti 2008 kur është shpallur pavarësia e Kosovës, procesi i anëtarësimit në NATO-s është parë si faza e fundit e përmbylljes së shtetëndërtimit të sovranitetit ndërkombëtar pas futjes në OKB, pas njohjeve dhe kështu pastaj futemi në NATO. Me invazionin rus të Ukrainës tërë skena ka ndryshuar dhe ne tani duhet ta vendosim anëtarësimin në NATO si pikën kyçe, si veprimin e parë dhe tani për anëtarësimin në NATO duhet të bëjmë veprime tjera, një prej tyre është dialogu me Serbinë… E bëjmë dialogun me Serbinë si një prej rrugëve më të lehta dhe më të shkurtëra për anëtarësim në NATO”, tha Rashiti.
Por, tash për tash, sipas drejtori Ekzekutiv i Grupit për Ballkanin, Naim Rashiti, Kosova prioritet të parë duhet të ketë anëtarësimin në NATO. Ai në emisionin “ResPublika” në tëvë1 tha se kjo gjë është edhe interes strategjik i SHBA-së, Gjermanisë e Britanisë.
“Dialogu është një prej instumeteve për të arritur Kosova në NATO dhe ky duhet të jetë qëllim gjeostrategjik i Kosovës që në 5 vitet e ardhshme të jetë shumë më afër NATO-s. Prandaj duhet ta bëjmë prokativ këtë proces për aq sa kërkohet për të marrë njohjen e shteteve të NATO-s, jo të OKB-së. Kosova për të siguruar vetën dhe për të qenë aleat me miqtë duhet të bëj gjithçka që të jetë anëtare e NATO-s dhe një prej kushteve do të jetë dialogu me Serbinë”, tha ai./Teve1.info.
