Policia e Kosovës është duke e hetuar një rast të raportuar për vjedhje të një veture me vlerë rreth 130,000 euro, ku dyshohet se ankuesi ka kryer raportim të rremë me qëllim përfitimin e kompensimit nga sigurimi.
Sipas policisë, i dyshuari është shqiptar me shtetësi të Maqedonisë së Veriut, i cili më datë 2 korrik 2025 ka raportuar në polici vjedhjen e veturës së tij, me vlerë rreth 130,000 euro.
Aktualisht, i dyshuari nuk është siguruar ku është thirrur për intervistim, por sipas PK-së, ai nuk është paraqitur ende.
“Rr. Gjon Sereqi, Ferizaj 02.07.2025 – 15:00. Lidhur me rastin, pas hetimeve është ngrit dyshimi se ankuesi mashkull shqiptar shtetas i Maqedonisë Veri, ka raportuar rrejshëm për vjedhje të veturës. Dyshohet se këtë e kishte bërë për përfitime nga sigurimi i veturës, ku vlera e veturës është rreth 130.000€. Prezenca e ankuesit, tani i dyshuar ende nuk është siguruar. Rasti është duke u hetuar”, thuhet në raport./teve1.info/
