Më shumë se tri dekada ishte konsumues i duhanit.
Por, tash e ca kohe për shkak të problemeve që i ka shkaktuar cigarja është detyruar të ndërpresë pirjen.
E tani, Sami Nuha nuk mundet as të qëndrojë në hapësira ku pihet duhani. Veçse thotë që vende të tilla ka plotë në Kosovë.
“Jo hiç nuk është duke u respektuar askund hiç, hynë brenda pihet duhani, dil jashtë më mirë me qëndruar sesa në vend ku pihet duhani nuk pihet, e ku nuk pihet, pihet duhani e kundërta është bë krejt. Hiç nuk mundem me qëndruar aty ku pihet duhani dhe, fati im shyqyr nga Zoti që ma ka sjellë këtë mendim që mos me pi më”, thotë ai.
E në të tilla raste ka hasur edhe qytetari Rabit Krasniqi.
“Shumë pak duhet nëse ligji nuk zbatohet duhet me i ndëshkua ata pirës të duhanit se ligji nuk e lejon. Shumë raste ka pas që kam qenë në kafiteri dhe duhani është pi, nuk është respektuar ligji”, shprehet ky qytetar.
E se ligji për kontrollin e duhanit nuk po zbatohet si duhet është thënë edhe në Raportin e Progresit.
Kurse nga Qendra Kosovare për Avokim dhe Zhvillim (KADC) kanë thënë për televizionin se është në mandatin e Ministrisë së Shëndetësisë përkujdesja për shëndetin e qytetareve edhe përkujdesja që të respektohet ligji për kontrollin e duhanit si duket nuk po veprohet ashtu.
“Siç është konstatuar edhe në Raportin e Progresit, edhe besoj që është shumë evidente se nivelit i zbatimit për kontrollin e duhanit është në nivel shumë të ulët .Këtu në vend të parë i referimit konsumimit të duhanit në vende publike ku pothuajse mbi 80% e lokaleve të gastronomisë lejojnë konsumimin e duhanit dhe te ato të cilat zbatohet ku nen i veçantë, ndalimi i pirjes së duhanit në hapësira të brendshme bëhet për shkak të vullnetit të mirë të atyre pronarëve”, është shprehur Shkumbin Spahiu, drejtor i qendrës.
Televizioni ka dërgua pyetje edhe në Ministrinë e Shëndetësisë për të parë se sa po zbatohet ligji për kontrollin e duhanit, por nga të njëjti nuk ka pranuar përgjigje gjatë ditës.
