Korrupsioni vazhdon të mbetet problematika kryesore në raporte vendore e ndërkombëtare.
Në Raportin e Departamentit Amerikan të Shtetit, ngritet si çështje korrupsioni në nivel të lartë dhe parashkrimin e këtyre rasteve.
Në këtë dokument theksohet që mungesa e mbikëqyrjes efektive gjyqësore dhe dobësia e përgjithshme në sundimin e ligjit kontribuan në këtë problem.
“Deri në shtator, Agjencia Kundër Korrupsionit ka publikuar 29 opinione për raste specifike që potencialisht kanë qenë konflikte interesi dhe aktivitetet që në të ardhmen mund të përbëjnë konflikte interesi. Prokurorët kanë ngritur 150 aktakuza lidhur me korrupsionin dhe për 34 raste janë shqiptuar dënimet deri në tetor”, thuhet në raport.
E Kryeministri i Kosovës, Albin Kurti, ka potencuar se janë duke bërë maksimumin në luftimin e korrupsionit.
Mungesë të rezultateve të luftimit të korrupsionit, ka evidentuar edhe Instituti i Kosovës për Drejtësi.
Si e rëndësishme në këtë raport, nga Instituti CLARD, vlerësohet edhe përmendja e institucioneve paralele në veri.
Në raport janë theksuar po ashtu edhe rasti i Astrit Deharit dhe dënimi i Salih Mustafës.
Probleme tjera në raportin për vitin 2022 përfshijnë edhe format tjera të dhunës, si dhe krime apo kërcënime ndaj minoriteve etnike e grupeve tjera të margjinalizuara.
Kronika e gazetares Florijeta Dernjani.
